Абласны суд у два разы знізіў штраф фрылансеру
28 красавіка 2016
Па выніку разгляду скаргі гомельскага журналіста-фрылансера Кастуся Жукоўскага на пастанову суддзі Жлобінскага раёна Валянціны Сапонавай суддзя Гомельскага абласнога суду Васіль Бягун знізіў памер прысуджанага фрылансеру штрафу ў два разы, паменшыўшы яго з 16,8 млн рублёў да 8,4 млн.
Абласны суддзя паправіў свайго раённага калегу: апошні асудзіў К. Жукоўскага па правілах сукупнасці правапарушэнняў, у той час як па законе неабходна ўжываць правіла аб іх паўторнасці.
Каментуючы сітуацыю, гомельскі праваабаронца Леанід Судаленка, які дапамагае журналістам-фрылансерам абараняць у судах правы, заявіў, што абласны суддзя ў дадзеным выпадку выправіў дапушчаную раённым суддзём памылку. У астатнім сітуацыя вакол пераследу фрылансераў пакуль не памянялася.
«Валянціна Сапонава прызначаная суддзёй толькі ў мінулым годзе. Магчыма, ў яе не хапіла вопыту разгляду адміністрацыйных спраў, вось яна і «секанула» спадара Жукоўскага максімальнымі штрафамі», — падкрэсліў Л. Судаленка.
@bajmedia
Пракурор Магілёўскай вобласці пастанавіў заблакаваць доступ да сайта ініцыятывы INeedHelpBY
14.06.2024
В провластный союз журналистов Беларуси пришла проверка. Все оказалось «фейком»
04.11.2024
Умер художник Василий Почицкий — автор зайцев из «БелГазеты»
07.05.2024
Журналісты Беларускага расследавальніцкага цэнтра абвешчаныя ў міждзяржаўны вышук
31.07.2024
