У Магілёўскай вобласці журналісты раённага радыё застануцца без працы?
24 снежня 2015
У Магілёве адбылося пасяджэнне калегіі галоўнага ўпраўлення ідэалагічнай працы, культуры і па справах моладзі Магілёўскага аблвыканкама, на якім, у ліку іншых, было разгледжана пытанне пра стан раённага радыёвяшчання ў вобласці.
Намеснік начальніка ўпраўлення ідэалагічнай працы – начальнік аддзела па СМІ і развіцці паліграфіі гэтага ўпраўлення Алена Дзівакова распавяла пра рэалізацыю кадравай палітыкі ў сродках масавай інфармацыі Магілёўскай вобласці, звярнуўшы пры гэтым асаблівую ўвагу на стан раённага радыёвяшчання, паведамляе інтэрнэт-сайт быхаўскай раённай газеты “Маяк Прыдняпроўя”.
Па словах Алены Дзіваковай, там, дзе раённае радыёвяшчанне мела статус самастойнай структуры, у тым ліку радыёпраграма “Веснік Быхаўшчыны”, ідзе працэс яго скасавання. З 1 студзеня 2016 года эфіру для мясцовага радыё не будзе, таму заснавальнікам неабходна падумаць пра далейшае працаўладкаванне супрацоўнікаў радыё.
Калегія падтрымала прапанову начальніка галоўнага ўпраўлення ідэалагічнай працы, культуры і па справах моладзі Магілёўскага аблвыканкама Анатоля Сінкаўца правесці ў першыя дні новага года адмысловую нараду па гэтым пытанні.
Рэдакцыі раённага радыёвяшчання мелі статус самастойнай структуры ў большасці раёнаў Магілёўскай вобласці.
@bajmedia
Партрэт Кацярыны Андрэевай з’явіўся на адкрыцці пасяджэння камітэта «Пісьменнікі ў няволі»
26.09.2024
Адвакаты Гнёта маюць намер абскардзіць рашэнне аб яго высылцы ў Беларусь — Офіс Ціханоўскай
14.06.2024
«Московский комсомолец» вынудили удалить статью к 70-летию Лукашенко. О чем в ней говорилось?
02.09.2024
Дзяржаўныя газеты Брэстчыны як па загадзе зладзілі кампанію з нагоды ўстанаўлення прэзідэнцкай пасады. Што атрымалася?
16.07.2024
