Андрэй Бастунец возьме ўдзел у наступным “Клубе рэдактараў”
24 лютага 2016
Раніцай 24 лютага старшыні ГА “БАЖ” зноў патэлефанавалі з Белтэлерадыёкампаніі і запрасілі на запіс праграмы “Клуб рэдактараў” у пятніцу, 26 лютага. Андрэй Бастунец даў згоду на ўдзел.
Нагадаем, што першае запрашэнне паступіла на мінулым тыдні, за дзень да прызначанага запісу, калі Бастунец быў за межамі Беларусі. Ён вымушаны быў адмовіцца, запэўніўшы, што гатовы ўдзельнічаць у адной з наступных перадач.
12 лютага група журналістаў накіравала на адрас старшыні Белтэлерадыёкампаніі Генадзя Давыдзькі ліст з просьбай даць ім магчымасць выказацца ў “Клубе рэдактараў”. Ліст падпісалі галоўны рэдактар TUT.BY Марына Золатава, шэф-рэдактар “Нашай Нівы” Андрэй Дынько, шэф-рэдактар “Народнай Волі” Святлана Калінкіна, галоўны рэдактар інтэрнэт-газеты “Салідарнасць” Аляксандр Старыкевіч і старшыня ГА “БАЖ” Андрэй Бастунец. Па звестках прэс-службы ГА “БАЖ”, акрамя А. Бастунца, ніхто з падпісантаў запрашэння на запіс 26 лютага не атрымліваў.
@bajmedia
Колькасць зняволеных журналістаў набліжаецца да рэкордна высокага ўзроўню. CPJ прадставіў сваю справаздачу за 2023 год
18.01.2024
У Брэсце прапагандысты зладзілі беларуска-расійскую «школу журналістыкі»
17.06.2024
«Даярка з Хацапетаўкі» абагнала Эйсманта. Што найбольш глядзелі на ТБ у студзені
15.02.2024
Дэбютны фільм Мары Тамковіч перамог на кінафестывалі «Паўночнае ззянне»
21.11.2024
