Падчас акцыі на Кастрычніцкай затрымалі журналіста Алега Грузьдзіловіча
14 мая 2016
Карэспандэнта Свабоды Алега Грузьдзіловіча затрымалі падчас асьвятленьня акцыі «Праспэкт нацыянальнага сьцяга» на Кастрычніцкай плошчы.
Алега Грузьдзіловіча затрымалі на праспэкте Незалежнасьці ля выхаду са станцыі мятро «Кастрычніцкая», калі ён выконваў свае прафэсійныя абавязкі: ён фатаграфаў момант, як працоўнікі камунальных службаў здымалі з флагштоку бел-чырвона-белы сьцяг, прымацаваны туды ўдзельнікам акцыі.
Грузьдзіловіча абвінавачваюць у тым, што ён выйшаў на праезджую частку. Пры гэтым рух на праспэкце падчас усёй акцыі быў перакрыты па невядомым прычынам.
Міліцыянт запрасіў журналіста сесьці ў машыну і яго павезлі для далейшага разбіральніцтва.
Сам Грузьдзіловіч паведаміў, што яго адвезлі да гатэлю «Эўропа», дзе яму выпісваюць штраф памерам 210 тысяч беларускіх рублёў за парушэньне правілаў дарожнага руху.
@bajmedia
Дэпутат нямецкага Бундэстагу Робін Вагенер напісаў адкрыты ліст Ігару Лосіку
20.05.2024
Экстрэмісцкімі абвешчаныя YouTube-канал «Медиа-Полесье» і блогер Кабанаў у «Одноклассниках»
01.08.2024
70 процентов госСМИ Гомельской области работают без обратной связи с читателями в Telegram
19.08.2024
У Брэсце судзяць журналістку Алену Цімашчук: за дыскрэдытацыю, распальванне варожасці і па «экстрэмісцкім» артыкуле
03.06.2024
