Лунінецкія БАЖаўцы: ігнараваць палітычныя тэмы рэгіянальным СМІ нельга
1 жніўня 2016
Такую выснову зрабілі удзельнікі прэс-клуба, якія адбыўся ў Лунінецкай філіі ГА “БАЖ”. На яго былі запрошаны калегі з Піншчыны і Століншчыны.
Тэма прэс-клуба “Асвятленне грамадска-палітычнага жыцця ў рэгіянальных СМІ” надзвычай актуальная у сувязі з сёлетняй выбарчай кампаніяй, гаворыць рэдактар сайта “Медиа-Полесье” Святлана Гарда.
– Інфармацыйная пляцоўка павінна надавацца кандыдатам на роўных умовах. Журналістам трэба аб’ектыўна ставіцца і да прэс-рэлізаў, якія дасылаюць палітычныя партыі і структуры, – гаворыць Святлана.
Пра асвятленне грамадскіх і палітычных тэм у лунінецкім штотыднёвіку “Информ-прогулка” на сустрэчы распавёў Вадзім Жылко. Дыскусія выйшла за рамкі выбарчай тэматыкі. На канкрэтных прыкладах удзельнікі прэс-клуба разважалі пра ўзаемадносіны СМІ і чытачоў.
Падсумоўваючы вынікі, усе прысутныя пагадзіліся, што ігнараваць палітычныя тэмы рэгіянальныя СМІ не маюць права, але пры гэтым павінны захоўваць сваю самастойнасць ад уладных і палітычных структураў. Увогуле ж шмат што залежыць ад рэдакцыйнай палітыкі таго ці іншага выдання.
@bajmedia
У Маскве арыштавалі журналіста, які супрацоўнічаў з «Белсатам»
27.04.2024
«Спрабуюць прымусіць мяне замаўчаць». Леанід Судаленка — пра новую крымінальную справу
04.03.2024
Вядомыя беларусы агучылі «Мужыцкую праўду» Каліноўскага
06.12.2023
Брэсцкі абласны суд завочна прыгаварыў да зняволення ўдзельнікаў праекта «Рудабельская паказуха»
25.06.2024
