Суд над Эдуардам Пальчысам пачнецца 14 кастрычніка
24 верасня 2016
14 кастрычніка Менскі гарадзкі суд пачне разгляд крымінальнай справы заснавальніка і аўтара сайту 1863x.com Эдуарда Пальчыса.
Пра гэта карэспандэнту Свабоды паведаміла жонка Эдуарда Вікторыя Пальчыс, якой прыйшла позва зьявіцца ў суд у якасьці сьведкі.
Яна сказала, што Эдуард перадаў праз адваката, што спадзяецца на адкрыты працэс.
Калі Эдуарда Пальчыса перавядуць са сьледчага ізалятара ў Жодзіне на «Валадарку», пакуль невядома.
Блогер Эдуард Пальчыс, вядомы ў інтэрнэце пад імем «Джон Сыльвэр», зьмяшчаў на сайце 1863х.com, сярод іншага, матэрыялы, у якіх даваліся крытычныя ацэнкі палітыцы Расеі адносна Беларусі і Ўкраіны. На пачатку году Эдуарда Пальчыса арыштавалі ў Расеі і выдалі Беларусі. Эдуарда Пальчыса абвінавачваюць у «распальваньні расавай, нацыянальнай ці рэлігійнай варожасьці або розьні» (ч.1 арт. 130 Крымінальнага кодэксу) і «распаўсюдзе парнаграфічных матэрыялаў» (ч.2 арт. 343). За «распальваньне варожасьці» Пальчысу пагражае арышт на тэрмін да шасьці месяцаў ці абмежаваньне волі на тэрмін да пяці гадоў, а за «распаўсюд парнаграфіі» — пазбаўленьне волі на тэрмін ад 2 да 4 гадоў.
@bajmedia
Дзяржаўная газета з Пінска заклікае чытачоў збіраць падарункі для дзяцей Данбаса
15.12.2023
Віцебскага журналіста Вячаслава Лазарава накіравалі адбываць тэрмін зняволення ў папраўчую калонію № 15
26.12.2023
Новы польскі ўрад звольніў кіраўніцтва дзяржаўных СМІ, адзін канал спыніў вяшчанне
20.12.2023
Беларускае выданне «Віцьбічы» заключыла пагадненне аб супрацоўніцтве з РІА «Воронеж»
17.07.2024
