У Гродна адбудзецца суд над сябрамі ГА «БАЖ»
14 снежня 2016
У чацвер, 15 снежня, у Гродна ў судзе Ленінскага раёна адбудзецца разгляд адміністрацыйных спраў супраць сябраў Беларускай асацыяцыі журналістаў Віктара Сазонава і Уладзіміра Хільмановіча.
Журналістаў збіраюцца судзіць за ўдзел у традыцыйным Свіслацкім фэсце паўстанцаў 1863 году.
Фестываль адбыўся 30 кастрычніка 2016 году. Фэст традыцыйна адбываваецца ўжо больш за 10 год у горадзе Свіслач, што на Гродзеншчыне.
Падчас фэсту адбываецца ўшанаванне памяці ўдзельнікаў паўстання 1863–1864 гг., а таксама невялікая паніхіда на магіле Віктара Каліноўскага, брата Кастуся Каліноўскага.
Журналісты ўзгадваюць, што гэтым разам ў Свіслачы адбываліся дзіўныя рэчы. Ніводзін міліцыянт не падыйшоў амаль да 50 удзельнікаў фэста і не папярэдзіў пра недапушчальнасць мерапрыемства.
Але па выніках на журналістаў былі складзеныя пратаколы аб адміністрацыйным правапарушэнні па частцы 3 артыкула 23.34 (парушэнне парадку аб правядзенні масавых мерапрыемстваў).
Суды над грамадскімі актывістамі, што ўдзельнічалі ў Свіслацкім фэсце ўжо адбыліся ў Свіслачы і Брэсце, Слоніме і Гродна. Да штрафаў ужо асуджанана болш за 10 чалавек.
Пачатак судовых працэсаў над Віктарам Сазонавым і Уладзімірам Хільмановічам 15 снежня а 10‑й гадзіне.
@bajmedia
«Без доктара навук не разабрацца». Прафесар Алесь Краўцэвіч з Гродна запусціў падкаст пра гісторыю Беларусі — разам з дачкой
08.04.2024
У Брэсце прапагандысты зладзілі беларуска-расійскую «школу журналістыкі»
17.06.2024
Супраць Сяргея Скулаўца, які працаваў у Беларусі журналістам, распачалі крымінальную справу
24.09.2024
Былы тэлевядучы расказаў, каго КДБ прасоўваў на «Песню года Беларусі»
13.02.2024
