Дэпутат Навумовіч у Савеце Еўропы: У Беларусі няма палітычных зняволеных, а ёсць парушальнікі
24 студзеня 2017
Прадстаўнік дэлегацыі Арменіі ў ПАСЕ пацікавіўся дэпутата беларускага парламента Андрэя Навумовіча, як ён ставіцца да затрымання ў нашай краіне блогера Андрэя Лапшына і да рашэння выдаць яго ўладам Азербайджана.
Пытанне прагучала падчас слуханняў па тэме “Сітуацыя ў Беларусі” ў Камітэце па палітычных пытаннях Парламенцкай асамблеі Савета Еўропы 24 студзеня.
Навумовіч: “Пастаўленае вамі пытанне патрабуе аб’ектыўнага вывучэння, каб можна было сёння даць дастаткова ўзважаную і аб’ектыўную аналітыку. Хачу толькі адзначыць, што ў Беларусі няма палітычных зняволеных, а ёсць грамадзяне, якія парушаюць заканадаўства Рэспублікі Беларусь”.
З дэпутатам не пагадзіўся юрыст Валянцін Стэфановіч. Па яго словах, беларускія праваабаронцы не падтрымліваюць саму практыку арыштаў блогераў, якія сваімі дзеяннямі не наносілі ніякай шкоды ні нацыянальнай, ні грамадскай бяспецы.
Стэфановіч: “А тым больш, мы не згодныя з выдачай у краіну, якая заяўляе пра сваю гатовасць да крымінальнага пераследу такіх блогераў”.
Па словах Стэфановіча, такая практыка выдачы падаецца яму амаральнай.
@bajmedia
Беларускія медыйшчыцы атрымалі ўзнагароды за ўнёсак у развіццё медыясектара і прыклад публічнага жаночага лідарства
06.08.2024
Стала вядома, колькі зарабляюць Ірына Акуловіч і іншыя кіраўнікі БелТА
12.01.2024
З‑за кратаў выпусцілі Ксенію Луцкіну – былую супрацоўніцу БТ, якая звольнілася адтуль у 2020 годзе на знак пратэсту
20.08.2024
На Магілёўшчыне правялі ператрусы ў сямі чалавек, імаверна ў звязку з прызнаннем мясцовых СМІ «экстрэмісцкімі» фармаваннямі
11.12.2023
