У гродзенскім музеі побыту — унікальная выстава старых фотаапаратаў
16 лютага 2017
У гродзенскім музеі побыту, што месціцца недалёка ад старажытнай Каложы, можна паглядзець унікальную выставу старых фотаапаратаў.
На выставе прадстаўлена амаль паўсотні старых фотапаратаў, тэлекамеры, розныя апараты для працы з фотастужкаю. Выстава цікавая тым, што ўсю тэхніку можна патрымаць ў руках.
Кіраўнік музея, гродзенскі збіральнік даўніны Януш Паруліс гаворыць, што гэтая выстава паўстала дзякуючы працы валанцёраў і журналістаў.
«Я пачаў шукаць па схованках і знайшоў 53 фатаграфічныя апараты. Можа, яшчэ штук пяць знайду. Сярод прадстаўленых на выставе апаратаў я б назваў самым цікавым караля здымачнай працы — старажытны апарат. Вялікі, стаіць на драўляных ножках, пад нумарам 000367. Год 170 таму ён быў зроблены ў Варшаве. У мяне да яго ёсць усе старажытныя прылады, Калі б у мяне была старая папера, я нават мог бы рабіць здымкі», — распавёў Януш Паруліс.
На выставе можна таксама ўбачыць з паўсотні фатаздымкаў, якія паказваюць жыхароў Гродна канца ХХ — пачатку ХХ стагоддзя, строі і архітэктуру.
На думку спадара Януша, такія выставы цікавыя не толькі аматарам даўніны, але і прафесійным фатографам, якія могуць патрымаць у руках даволі цікавую і ўжо рэдкую фотатэхніку мінулых часоў.
Выстава ў гродзенскім Музеі побыту будзе працаваць да 1 сакавіка.
@bajmedia
Дзяржаўная газета з Пінска заклікае чытачоў збіраць падарункі для дзяцей Данбаса
15.12.2023
Старонкі Hrodna.life, «Салідарнасці», «Белсата»: папоўніўся «экстрэмісцкі спіс» Мінінфарма
09.04.2024
Міністр інфармацыі: Супраць нас працуе сур’ёзная тэхналагічная машына
18.12.2023
Прапагандысты Брэсцкай вобласці абмяркавалі, як трэба весці «інфармацыйную працу з насельніцтвам»
02.08.2024
