Сямʼю журналістаў у гадавіну шлюбу ўлады «павіншавалі» штрафам $ 1 000
13 красавіка 2017
У Кобрыне завяршыўся суд над незалежнымі журналістамі. Алеся Леўчука аштрафавалі на 10 базавых велічынь па артыкуле 23.4 КаАП — непадпарадкаванне супрацоўнікам міліцыі, і на 50 базавых па артыкуле 22.9 частцы 2 КаАП — парушэнне парадку вырабу прадукцыі СМІ. Мілане Харытонавай 5 плюс 20 базавых па тых жа артыкулах.
Вёў працэс суддзя Вадзім Здановіч.
Сведкі нават у судзе не маглі ўцямна патлумачыць на якой падставе мы мусілі быць затрыманыя. Быў загад схапіць, дык і хапалі. Пратакол Алеся Леўчука быў сфальсіфікаваны. У тым пратаколе, што быў у судзе, зʼявіліся дапіскі, якіх няма ў копіі, што выдалі нам пасля затрымання, — распавяла Мілана Харытонава.
Журналісты «Белсата» былі жорстка затрыманыя невядомымі людзьмі ў цывільным 18 сакавіка ў Кобрыне. Акрамя таго ў журналістаў адабралі прафесійную тэхніку.
Харытонава і Ляўчук засведчылі цялесныя пашкоджанні, якія ім нанеслі падчас затрымання ў Кобрыне.
@bajmedia
Пасля атакі «Кіберпартызанаў» другі дзень не працуюць сайты «Гомельскай праўды» і «ІнфоБазы»
26.03.2024
Асуджанага журналіста Аляксандра Зянкова накіравалі ў калонію
08.05.2024
Журналіст Мікола Дзядок ужо два месяцы знаходзіцца ў ШІЗА
06.08.2024
Сяргей Дубавец выдаў кнігу «пра стагоддзе паміж “Нашай Нівай” і “Нашай Нівай”»
21.06.2024
