«Сталічнае тэлебачанне» спыніла рэтрансляцыю перадач расійскага «Рэн ТБ»
8 студзеня 2018
З эфірнай сеткі «Сталічнага тэлебачання» зніклі перадачы расійскага канала Рэн ТБ. Беларускі тэлеканал перастаў рэтрансляваць перадачы расійскіх партнёраў з 1 студзеня 2018 года.
Цяпер у сетцы вяшчання можна пабачыць уласныя праграмы СТБ, а таксама мастацкія фільмы. Праграмная дырэкцыя і прэс-служба тэлеканала пакуль не каментуюць такія змены ў праграмнай палітыцы.
СТБ займаўся рэтрансляцыяй Рэн ТБ ад першага дня свайго існавання — з 1 студзеня 2001 года. Першапачаткова амаль увесь час вяшчання займалі праграмы расійскага сеткавага партнёра.
Паступова СТБ нарошчваў долю сваіх уласных перадач, але цалкам ад рэтрансляцыі Рэн ТБ адмовіўся толькі праз 17 год свайго існавання.
Рэн ТБ — адзін з найбольш папулярных тэлеканалаў у Расіі. З 2011 года гэты канал пачаў актыўна выпускаць у эфір перадачы ілжэнавуковага характару і прапагандаваць канспіралагічныя тэорыі, уфалогію, альтэрнатыўную гісторыю і іншыя маргінальныя погляды. Антынавуковыя перадачы пра масонскія змовы, рэпцілоідаў, а таксама прапагандысцкія праграмы пра моц расійскай зброі бесперапынна трансляваліся і ў Беларусі.
@bajmedia
«Мне радасна, што я сыходжу на піку». Кацярына Пытлева развіталася з камандай «Маланкі»
02.02.2024
З‑за кратаў выпусцілі Ксенію Луцкіну – былую супрацоўніцу БТ, якая звольнілася адтуль у 2020 годзе на знак пратэсту
20.08.2024
Представитель Агентства международного развития США: Наша задача — помочь независимым СМИ, которые говорят правду
08.12.2023
Канал силовиков опубликовал видео с фотографом Алексеем Борисовым, на котором он извиняется за интервью «экстремистскому» медиа
22.02.2024
