У час водпуску вызвалены ад пасады дэкан Інстытута журналістыкі БДУ

Адбылося гэта на днях, у час, калі Дубовік быў у водпуску.  Гэтую інфармацыю нам пацьвердзілі работнікі інстытута. 

Дубовік займаў пасаду дэкана з 2005 года, а раней паспеў пабыць і галоўным рэдактарам «Рэспублікі», і прэс-сакратаром прэм’ер-міністра. 

Цяпер абавязкі Дубовіка выконвае яго намесніца, Вольга Самусевіч. Каго прызначаць на месца дэкана, пакуль невядома. 

Адназначна можна сказаць, што кадравыя змены выкліканыя палітыкай новага рэктара БДУ Андрэя Караля. 

У прыватнасці, планавалася не толькі прызначыць новае кіраўніцтва, але і пазбавіць інстытут яго статусу, вярнуўшыся да фармату факультэта. Але ад гэтых планаў пакуль адмовіліся.