Змены ў закон “Аб СМІ” дэпутаты абмяркуюць 8 траўня
3 мая 2018
Паміж першым і другім чытаннямі ў новую рэдакцыю закона “Аб СМІ” будуць унесеныя “істотныя змены”. Пра гэта, адказваючы на пытанне Еўрарадыё, заявіў міністр інфармацыі Аляксандр Карлюкевіч.
“Змены будуць пасля таго, як прайшлі першыя чытанні. Яны ўнесеныя з улікам шмат якіх грамадскіх прапаноў і многіх прапаноў дзяржаўных інстытуцый. У тым ліку, дэпутатаў парламента. У бліжэйшы час вы будзеце ведаць пра гэтыя змены, гаворка ідзе літаральна пра некалькі дзён ― 8 траўня будзе шырокае абмеркаванне, з больш шырокім удзелам грамадскасці. Я лічу, што праўкі, што мяркуецца ўнесці, істотныя. Прынамсі, для нашага ведамства”, ― сказаў міністр.
19 красавіка Палата прадстаўнікоў у першым чытанні прыняла новую рэдакцыю закона “Аб СМІ”, які ўзмацняе рэгуляванне медыя ў інтэрнэце. Сярод ухваленых новаўвядзенняў — абавязковая ідэнтыфікацыя асоб, якія змяшчаюць свае матэрыялы на сайтах ці каментуюць публікацыі. Пры гэтым не былі ўлічаныя заўвагі, падрыхтаваныя супрацоўнікамі Беларускай асацыяцыі журналістаў і дэпутатам Ганнай Канапацкай.
@bajmedia
Віцебскі відэаблогер Віталь Усціновіч паведаміў, што ідзе ў суд і знік. Верагодна, яго пакаралі «суткамі»
15.02.2024
НАУ: У Андрэя Гнёта пагоршылася здароўе ў бялградскай турме, неабходнай меддапамогі ён не атрымлівае
19.04.2024
Журналіст Андрэй Гнёт пераведзены пад хатні арышт
06.06.2024
Стала вядома, колькі зарабляюць Ірына Акуловіч і іншыя кіраўнікі БелТА
12.01.2024
