Суд над відэаблогерам Сяргеем Пятрухіным перанеслі на 4 кастрычніка
1 кастрычніка 2018
Блогер абвінавачваецца паводле часткі 1 артыкула 23.34 КаАП (“парушэнне парадку арганізацыі або правядзення масавых мерапрыемстваў”) за тое, што вёў жывую трансляцыю з плошчы Леніна ў Брэсце з традыцыйнай сустрэчы праціўнікаў будаўніцтва акумулятарнага завода.
Сёння ў судзе Ленінскага раёна Брэста Сяргей Пятрухін заявіў пра недавер суддзі Аляксандру Семянчуку, а таксама хадайнічаў, каб у судовым працэсе браў удзел яго адвакат. У выніку разгляд справы перанесены на раніцу 4 кастрычніка.
Нагадаем, што брэсцкі блогер Сяргей Пятрухін быў затрыманы днём 30 верасня на вуліцы Энгельса, калі разам з паплечнікамі вяртаўся дадому з плошчы Леніна, дзе па нядзелях сустракаюцца праціўнікі будаўніцтва акумулятарнага завода.
Супрацоўнікі міліцыі прымусілі блогера вярнуцца на плошчу, дзе раптоўна з’явіўся мікрааўтобус, на якім Пятрухіна адвезлі ў Ленінскі РАУС Брэста. Ноч перад судом яго пратрымалі ў ізалятары часовага ўтрымання.
@bajmedia
Plan B. заблакавалі ў Расіі
14.02.2024
БАЖ звярнуўся да спецыяльнай працэдуры ААН па справе праваабаронцы Леаніда Судаленкі
28.06.2024
Ізноў затрымана рэдактарка светлагорскага «Ранку». Яе калега таксама ў ІЧУ
08.12.2023
Магілёўскага відэааператара Яўгена Глушкова трымаюць у СІЗА і вінавацяць «за ўдзел у экстрэмісцкім фарміраванні»
13.02.2024
