Журналіста “Ганцавіцкага часу” не пусцілі ў райвыканкам, куды яго запрасіла міліцыя
28 снежня 2018
Прадстаўнікі Ганцавіцкага раённага аддзела міліцыі вырашылі правесці ў мясцовым райвыканкаме ўрачыстасць, каб заахвоціць людзей, якія дапамаглі затрымаць злодзея.
На мерапрыемства, дзе 28 снежня неабыякавым грамадзянам уручалі падзякі і прэміі, супрацоўнікі РАУС запрасілі таксама прадстаўнікоў незалежнага выдання “Ганцавіцкі час”.
Аднак на ўваходзе ў райвыканкам журналіста і рэдактара сайта газеты Сяргея Багрова сустрэла кіраўнік справамі Ганцавіцкага райвыканкама Наталля Маляўка і загадала ахоўніку не пускаць яго ў памяшканне.
“Сам факт, што мясцовая ўлада адгарадзілася ад грамадзян турнікетамі, ужо адлюстроўвае рэальнае стаўленне да людзей, — пракаментаваў сітуацыю для службы маніторынгу ГА “Беларуская асацыяцыя журналістаў” галоўны рэдактар “Ганцавіцкага часу” Пётр Гузаеўскі. — З юрыдычнага пункту гледжання ў дзеяннях адказнай асобы райвыканкама можна ўбачыць парушэнне заканадаўства. А калі рабіць чыста чалавечыя высновы, то проста дзіўныя адчуванні ад такой рэакцыі чыноўнікаў на добрую ініцыятыву ганцавіцкай міліцыі”.
Фота ganc-chas.by
@bajmedia
Журналіста Андрэя Толчына МУС унёс у спіс «экстрэмістаў», а ВС адхіліў яго скаргу на прысуд
31.05.2024
Працяг гісторыі «Белсату»: часова перастаў дзейнічаць сайт тэлеканала
01.08.2024
Апеляцыйную скаргу Настассі Мацяш Вярхоўны суд разгледзіць 28 чэрвеня
25.06.2024
З’явіўся спіс самых папулярных беларускіх ютуб-каналаў. Пра некаторыя вы дакладна не чулі
21.01.2024
