Амаль 900 рублёў штрафу атрымаў журналіст з Глыбокага
16 красавіка 2019
Шаркаўшчынскі суд 15 красавіка ў асобе суддзі Аксаны Табола наклаў на журналіста-фрылансера штраф памерам 35 базавых велічыняў. Змітра Лупача зноў судзілі за “незаконны выраб і распаўсюд прадукцыі СМІ” (ч. 2 арт. 22.9 КаАП). Падставай для прыцягнення да адміністрацыйнай адказнасці на гэты раз стаў сюжэт пад назвай “Як жыве сёння самы бедны раён краіны”, паказаны на тэлеканале “Белсат”.
У ходзе разгляду справы Зміцер Лупач выявіў падробку дакумента, а менавіта копіі пратакола, складзенага міліцыянтам, і заявіў пра гэта ў судзе. Суддзя Табола абяцала накіраваць ліст у Шаркаўшчынскі РАУС пра выяўленае парушэнне.
У сваёй прамове падчас судовага пасяджэнння журналіст звяртаў увагу, што права на свабоду слова гарантаванае яму Канстытуцыяй і Пактам аб грамадзянскіх і палітычных правах. Але на рашэнне суда гэта не паўплывала.
Як кажа Зміцер Лупач, перад пэўнымі палітычнымі падзеямі ўзмацняецца ціск на незалежных журналістаў, палітыкаў і праваабаронцаў. Яму вядома, якая “кантора” гэта ўсё ініцыюе.
“У маёй справе была фармулёўка, што быццам бы здымаў з мэтай, каб у гледачоў склалася негатыўнае ўражанне пра раён. Але не я працую, каб стварыць негатыўнае ўражанне, якраз яны самі на гэта працуюць”, — адзначае журналіст.
Сёлета гэта ўжо трэці штраф, прызначаны судом Змітру Лупачу паводле адміністрацыйнага артыкула 22.9. Агулам сума штрафаў склала 2805 беларускіх рублёў. У 2018 годзе па гэтым артыкуле незалежны журналіст прыцягваўся да адказнасці шэсць разоў.
@bajmedia
Журналіцкая супольнасць сабрала сродкі на рэабілітацыю калегі пасля жорсткай аварыі. Збор зачынены
06.12.2023
Беларускі сцэнарыст Канстанцін Вераб’ёў памёр ва ўзросце 53 гадоў
20.02.2024
Галоўны рэдактар літоўскай газеты Respublika звярнуўся да Лукашэнкі па інтэрв’ю
23.02.2024
В Telegram появятся метки проверки фактов у сомнительных сообщений
05.06.2024
