Старшыню БАЖ запрасілі ў СК на 10 сакавіка. Чакаем вяртання пячаткі, статутных дакументаў і разблакавання офіса
4 сакавіка 2021
На мінулым тыдні Беларуская асацыяцыя журналістаў звярнулася ў Следчы камітэт са зваротам, у якім прасіла разблакаваць доступ у офіс арганізацыі, а таксама вярнуць пячатку і статутныя дакументы, якія знаходзіліся ў сейфе.
Сёння старшыні ГА «БАЖ» Андрэю Бастунцу пазванілі са Следчага камітэта і прапанавалі прыйсці туды раніцай 10 сакавіка, каб прыняць удзел у аглядзе змесціва забранага падчас ператрусу сейфа.
Нагадаем, што 16 лютага паводле пастановы Следчага камітэта ператрусы прайшлі ў офісе нашай зарэгістраванай арганізацыі, а таксама ў некаторых супрацоўнікаў. З таго часу офіс ГА «БАЖ» застаецца апячатаным, а рахунак арганізацыі — арыштаваны. Гэта перашкаджае статутнай дзейнасці арганізацыі.
Беларуская асацыяцыя журналістаў — міжнародна прызнаная арганізацыя, сябра Міжнароднай і Еўрапейскай федэрацый журналістаў.
@bajmedia
У Беларусі затрымалі журналіста Ігара Ільяша
22.10.2024
Дзяржаўная раёнка ў Кобрыне зладзіла «Дзень падпісчыка»… у мясцовым райвыканкаме
19.12.2023
Сайт «Белсата» аднавіў працу. Што гэта азначае?
26.08.2024
Праўладнага блогера Катлярова прызналі палітвязнем, бо яго пераследуюць за негвалтоўную рэалізацыю свабоды думкі — праваабаронцы
21.11.2024
