У судзе Цэнтральнага раёна Гомеля сёння асудзілі журналіста-фрылансера Андрэя Толчына
2 ліпеня 2021
Яго затрымалі 24 чэрвеня пасля здымкаў каля СІЗА №3 перад працэсам над Міколам Статкевічам, Сяргеем Ціханоўскім, Дзмітрыем Паповым, Арцёмам Сакавым, Ігарам Лосікам і Уладзімірам Цыгановічам. Журналіста даставілі ў РАУС, дзе пратрымалі 7 гадзін ды склалі пратакол па 23.5 КаАП РБ ("незаконны выраб і распаўсюд прадукцыі СМІ").
На суддзе Андрэй Толчын заявіў, што быў на вуліцы Кніжнай, зняў на відэа будынак суда, запісаў жонку Статкевіча і амбасадараў. Пасля на плошчу Паўстання пад’ехаў мікрааўтобус, журналіста затрымалі, пры гэтым міліцыянты брудна лаяліся і пашкодзілі Андрэю нагу, паведамляюць праваабаронцы.
“Міліцыянты сказалі, што маюць загад. У мяне быў бэйджык, дзе напісана, што я фрылансер і паводле Канстытуцыі маю права збіраць інфармацыю. Віну не прызнаю, бо не вырабіў прадукт СМІ”, — заявіў у судзе Толчын.
Аднак суддзя Сяргей Салоўскі палічыў віну журналіста даказанай,
пакараў яго штрафам у памеры 30 базавых велічынь (870 рублёў). Таксама суд пастанавіў канфіскаваць у Андрэя Толчына ўсю тэхніку — штатыў, камеру, карткі памяці ды мікрафон.
@bajmedia
У Пінску пачалі судзіць Яўгена Нікалаевіча, які ў 2020 годзе асвятляў пратэсты пасля выбараў
26.09.2024
Аляксей Дзікавіцкі пастанавіў датэрмінова пакінуць «Белсат»
19.11.2024
Лічбавы фотаархіў Veha запрашае дзяліцца сямейнымі фатаграфіямі
25.10.2024
Журналіст Аляксандр Корнышаў адкрыў збор на дапамогу пасля аперацыі
17.06.2024
