Экс-журналіст Tribuna Андрэй Маслоўскі выйшаў на волю пасля 15 сутак арышту
21 верасня 2021
Ён адбыў 15-дзённы адміністрацыйны арышт. Журналіста затрымалі 6 верасьня. 8 верасьня Андрэя Маслоўскага абвінавацілі ў «распаўсюдзе інфармацыйнай прадукцыі, уключанай у рэспубліканскі сьпіс экстрэмісцкіх матэрыялаў», і асудзілі на 15 дзён адміністрацыйнага арышту.
Таксама ў журналіста канфіскавалі тэлефон, зь якога ён нібыта тую інфармацыю распаўсюдзіў.
Маслоўскі — вядомы спартовы журналіст. Ён працаваў на сайце Tribuna.com з 2010 году, а ў ліпені 2021 году звольніўся па пагадненьні бакоў.
Раней яшчэ адзін журналіст выданьня Дзьмітры Руто адбыў 15 сутак арышту за бела-чырвоны шалік у аўтамабілі, а аўтар ютуб-каналу «ЧестнОК» Аляксандар Івулін, які таксама супрацоўнічае з «Трыбунай», цяпер падазраваны ў крымінальнай справе. Спачатку ён адседзеў 30 сутак быццам за «забаронены сьцяг на вакне», а потым яго перавялі ў менскі СІЗА № 1, абвінаваціўшы ў «арганізацыі і падрыхтоўцы беспарадкаў». Праваабаронцы прызналі Івуліна палітвязьнем.
@bajmedia
Кошт падпіскі на шматтыражныя прапагандысцкія выданні вырас за год на 14—18%
28.12.2023
Праваабаронцы прызналі палітзняволенай актывістку і былую журналістку Аксану Ючкавіч
21.02.2024
У Латвіі забаранілі доступ да сайтаў АНТ і «СБ. Беларусь сегодня». Мінінфарм абурыўся
19.03.2024
Генпракуратура Абхазіі ў афіцыйным адказе пагражае журналістам БРЦ «маршрутам з трох літар»
05.11.2024
