Вынікі года ў МЕДЫЯ ў вялікім журналісцкім Zoom’е. РЭГІСТРАЦЫЯ

Прайшлі сотні ператрусаў, 31 прадстаўнік медыя знаходзіцца за кратамі, большасць недзяржаўных выданняў былі вымушаныя выехаць з краіны, каб працягнуць працу. Беларускую журналістыку мы сёння робім з Мінска, Вільні, Варшавы, Беластока, Кіева, Львова, Тбілісі, Прагі і многіх іншых месцаў.

Але ўсе мы застаемся беларускім медыясектарам.

23 снежня Беларуская асацыяцыя журналістаў прапануе калегам, прадстаўнікам рэдакцый, медыяэкспертам, тым хто ў Беларусі, і тым, хто вымушаны быў з’ехаць, падвесці вынікі года ў адным вялікім перадкалядным Zoom‑e.

Перадаць прывітанні калегам у іншых краінах, сказаць цёплыя словы сябрам і паплечнікам, расказаць пра сёлетнія светлыя і сумныя моманты, падзяліцца настроем. З намі будуць таксама родныя калег, якія знаходзяцца ў няволі. 

Усё гэта – 23 снежня а 19:00 па беларускім часе.

Для ўдзелу ў мерапрыемстве неабходна ЗАРЭГІСТРАВАЦЦА.

Мы разумеем апасенні калег, якія застаюцца ў Беларусі. Таму тыя, хто захочуць, змогуць удзельнічаць у сустрэчы з выключанай камерай і тым подпісам, які самі пажадаюць пакінуць.