Святлана Ціханоўская сустрэлася з прадстаўнікамі беларускіх СМІ

Прысутныя распавялі пра выклікі ў сваёй працы: рэдакцыі асвятляюць падзеі ў Беларусі, калі часткі каманд знаходзяцца ў турме, а іншыя — за межамі краіны альбо ў падполлі. Пры гэтым многія прызналі, што час першага шоку прайшоў — і праекты развіваюцца і набіраюць аўдыторыю.

На сустрэчы абмеркавалі, чым менавіта Офіс Ціханоўскай можа дапамагчы рэдакцыям — напрыклад, дапамагчы з акрэдытацыяй медыя ў іншых краінах для бяспечнай працы або прапанаваць буйным кампаніям, якія прыбралі рэкламу з дзяржканалаў, размяшчаць яе ў незалежных медыя.

Святлана Ціханоўская падзякавала журналістам і менеджэрам медыя за іх працу і паабяцала, што перадасць іх просьбы на сустрэчах з міжнароднымі партнёрамі і бізнесамі.