На трэці дзень судзілішча над нашаніўцамі ўсіх выгналі з залы

Сёння, 3 сакавіка, па справе нашаніўцаў працягвалі апытваць сведкаў.

Было гэта так. Выклікалі сведку-пашпартыстку, і задалі ёй пытанне, ці не з’яўляюцца абвінавачаныя ёй сваякамі. Яна стала пільна ўглядацца ў хлопцаў, яны засмяяліся, нехта ў зале таксама засмяяўся. Суддзя ўсіх прысутных за гэта выгнала, фактычна зрабіўшы пасяджэнне закрытым.

Нагадаем, што рэдактары «Нашай Нівы» Андрэй Скурко і Ягор Марціновіч зняволеныя з ліпеня 2021 года, разам з дзясяткамі іншых журналістаў. Усяго ў Беларусі — некалькі тысяч палітвязняў.