Лепшы travel-блогер рунета Пашкоўскі выправіўся на здымкі ў Індыю

Мотарыкша — гэта трохколавы, танны і вельмі папулярны ў Індыі транспарт. Мясцовыя яшчэ часта называюць яго тук-тукам. Звычайна яго выкарыстоўваюць у якасці таксі, але ёсць і тыя, хто набывае рыкшу сабе для прыватных задач.

Лёня з сябрамі таксама спачатку думалі набыць тук-тук для сваіх вандровак па Індыі, але цана на адрамантаваныя б/у варыянты пачыналася ад 2500 еўра. Таму яны вырашылі ўзяць транспарт у арэнду — выйшла 300 даляраў за тыдзень. 

Перш, чым сесці за стырно, хлопцы вырашылі прайсці экспрэс-курс кіроўцы ў мясцовай аўташколе з назвай «Каралеўская». Праўда, нічога асабліва карыснага для таго, каб выжыць у хаатычным індыйскім дарожным руху, маладзёнам не падказалі.

 «Рыкша заводзіцца як матацыкл, дамкрата няма. Нейтралка — паміж першай і другой перадачай, яе трэба адчуваць», — распавялі абазнаныя кіроўцы.

Акрамя гэтага, Пашкоўскі даведаўся, што правілам на дарозе амаль ніхто не падпарадкоўваецца.

«Тут не так, як у Еўропе, тут усё ўперамешку: нават калі хуткая дапамога едзе, ёй прыйдзецца пачакаць у канцы затору. Ніхто тут не будзе прытрымлівацца дыстанцыі. У Індыі ты можаш збіць чалавека, але карову збіваць нельга: з чалавекам можна дамовіцца, а з каровай — не. Гэта святая жывёла ў Індыі, і калі яе збіць, пачнуцца дадатковыя цёркі: «А, вы з СССР — вы там ўсе мясаеды, зжараце зараз нашу карову», — тлумачыць у першай серыі індыец.

Праўда, ні гэтыя парады, ні тое, што сваю рыкшу блогер упрыгожыў сцікерамі з індыйскімі боствамі, на дарозе не дапамагло.

Недалёка ад Чэная, адкуль першапачаткова стартавала вандроўка, тук-тук з Лёнем трапіў у міні-аварыю. 

«Мы зляцелі ў кювет і ледзь не ўрэзаліся ў слуп. Абышлося сінякамі і раздзяўбаным тук-тукам, за рамонт якога ў выніку прыйшлося заплаціць. Але добра, што хаця б новы купляць не давялося, — пракаментаваў Лёня «Нашай Ніве».

Ніводная карова ў ДТЗ не пацярпела.
Падрабязней пра сваю аварыю ён абяцае расказаць у новай частцы «Па Індыі на рыкшы — два дурні на трох колах».

Против цензуры: несгораемая книга ушла с аукциона за $130 тысяч

«Мы адказныя за тое, што будуць ведаць нашчадкі». Журналістка Зоя Хруцкая пра жыццё і планы

«У нас няма іншага варыянту, акрамя як выжыць».Спявачка и вядучая Кацярына Ваданосава змагаецца з ракам