Улады назвалі экстрэмісцкімі старонку «Вясны» на фотахостынгу Flickr і акаўнты брэсцкіх праваабаронцаў у сацсетках
3 мая 2023
У Рэспубліканскі спіс экстрэмісцкіх матэрыялаў, які складае Міністэрства інфармацыі Беларусі, дадалі старонку «Вясна праваабарончы цэнтр» на фотахостынгу Flickr, дзе акамуляваныя фотаздымкі на беларускую праваабарончую тэматыку. Таксама ў спісе з’явіліся Telegram-чат «Валанцёрская служба ПЦ «Вясна» і старонка брэсцкай праваабарончай супольнасці ў Instagram з назвай viasnabrest.
Як вынікае з абноўленага дакумента на сайце Мінінфарма, інфармацыйная прадукцыя старонкі «Вясна праваабарончы цэнтр», якая мае ідэнтыфікатар https://flirck.com/photos/135985667@N06/ , прызнаная экстрэмісцкай паводле рашэння суда Ленінскага раёна Брэста ад 26 красавіка.
У той самы дзень тым жа судом быў названы экстрэмісцкім кантэнт Instagram-акаўнта «Берасцейскай вясны» з назвай viasnabrest.
Telegram-чат «Валанцёрская служба ПЦ «Вясна» стаў экстрэмісцкім паводле рашэння суда Жабінкаўскага раёна Брэсцкай вобласці ад 29 красавіка.
Геаграфія і паслядоўнасць судоў, якія прызнаюць экстрэмісцкімі тыя ці іншыя інфармацыйныя рэсурсы, невытлумачальная. Сайт «Берасцейская вясна» быў прызнаны экстрэмісцкім сёлета 6 сакавіка судом Ленінскага раёна Брэста. У той жа дзень у Віцебску суд Кастрычніцкага раёна прызнаў экстрэмісцкім тамтэйшы праваабарончы сайт «Віцебская вясна».
Чытайце яшчэ:
Тры іранскія журналісткі, якія знаходзяцца ў зняволенні, удастоены Сусветнай прэміі ЮНЕСКА/Гільерма Кано
«Забрала документы из универа за месяц до выпускного». Беларуска бежала от режима сначала в Киев, а потом от войны — в Варшаву
Апублікаваны індэкс свабоды прэсы-2023: Беларусь апусцілася на чатыры пазіцыі
@bajmedia
«Мы яшчэ не закальцавалі эпоху. Пачакайце». Фотапраект Сяргея і Дзмітрыя Брушко паказалі ў Музеі Вольнай Беларусі
28.03.2024
Глыбоцкая раёнка напісала пра «экстрэмісцкую дзейнасць» журналіста з Глыбокага і яго калегі
16.09.2024
Як беларуская прапаганда прадстаўляецца «Белсатам» і што рабіць чытачам, гледачам і экспертам
20.02.2024
З’явіўся падкаст пра беларускую фатаграфію — «Далягляд»
16.05.2024
