Рэдактар глыбоцкай раёнкі працягвае абражаць апазіцыю і пужаць чытачоў вайной

Андрэй Панкрат пачынае свой матэрыял з абвінавачванняў лідараў апазіцыі, якія знаходзяцца ў Польшчы і Літве.

«Гэта іх намаганнямі ўводзяцца супраць Рэспублікі Беларусь эканамічныя і палітычныя санкцыі з той толькі мэтай, каб падарваць устаноўлены грамадскі парадак у нашай краіне, сфармаваць магутны кулак з незадаволеных грамадзян і іх рукамі зрабіць дзяржпераварот», — піша рэдактар раёнкі.

Далей Панкрат пераключаеццся на тых, хто з’ехаў ад пераследу рэжыму Лукашэнкі за мяжу. Быццам яны займаюцца фармаваннем узброеных падраздзяленняў, якія будуць задзейнічаныя для арганізацыі ў Беларусі тэрарыстычных акцый, дыверсійнай працы з мэтай захопу ўлады.

«Ім гэта неабходна, каб паўтарыць пройдзены Гарбачовым шлях. Той сваімі дзеяннямі прывёў Савецкі Саюз да развалу і атрымаў за гэта Нобелеўскую прэмію, і гэтыя, якія лічаць сябе беларускімі патрыётамі, хочуць усталяваць у Беларусі лаяльны Захаду рэжым, каб прыгожа тусавацца сярод лідараў еўрапейскіх краін, цешачы сваю ганарлівасць, манію велічы і ганарыстасць», — піша Панкрат.

Галоўны рэдактар глыбоцкай раёнкі стараецца не адстаць ад іншых прапагандыстаў і пужае сваіх чытачоў ЛГБТ, дэмаграфічным крызісам, разрывам сувязяў з Расеяй і іх камуністычным мінулым, эканамічнай нестабільнасцю, НАТА і нават мігрантамі з Афрыкі. А напрыканцы разважае пра ваенную дактрыну і намякае на вайну, якая можа адбыцца і на тэрыторыі Беларусі.

Нагадаем, што гэта не першы прапагандысцкі артыкул Андрэя Панкрата. Магчыма, пісаць іх галоўнага рэдактара абавязвае пасада. Але варта заўважыць, што не ўсе кіраўнікі раённых газет пішуць падобныя артыкулы.

Чытайце яшчэ:

Дзятлаўская раёнка прапануе далучыцца да свайго чат-бота «Перамогі»

Саша Раманава: «Цяпер перыяд ахалоджвання да пратэснага парадку дня і пошуку новых аўдыторый і стратэгій»

Папаўненне ў спісе экстрэмісцкіх матэрыялаў: дадатак у Google Play «Радыё Свабода», старонкі «Еўрарадыё» ў сацсетках і іншыя рэсурсы