Перад выбарамі дзяржСМІ закідваюць чытачоў агітацыйнымі відэа

Прысвечаныя выбарам ролікі газета «Гродзенская праўда» публікуе ў сваім Telegram-канале. Звычайна героямі агітацыйных відэа становяцца дзеці і непаўналетняя моладзь. Hrodna.life вывучыў, як дзяржаўныя медыі прыцягваюць беларусаў на выбары.

Ілюстратыўнае фота. Моладзевы флэшмоб у падтрымку Лукашэнкі ў Гродне. Фота: «Гродзенская праўда»

Агітацыйныя відэа дзеляцца на некалькі жанраў. Некаторыя ролікі зняты ў фармаце скетчаў, іншыя — як сацыяльная рэклама, трэція — аматарскія.

Напрыклад, у відэа «Карацей кажучы, я іду на выбары», раніцай 25 студзеня гераіня прачынаецца з ідэяй пайсці на выбары. Прычына: «Я адказная, мой голас можа быць вырашальным і я не абыякавая да будучыні маёй краіны», гаворыцца за кадрам.

@grodnonews.by 🇧🇾Я иду на выборы! Каждый голос может стать решающим. А ты идешь на выборы?✅ #выборы #правильныйвыбор #мир #безопасность #Беларусь #Гродно ♬ оригинальный звук — Гродненская правда

Другі ролік «Гродзенскай праўды», верагодна, здымалі аматары. Сцэнка разгортваецца ў школе, дзе вучні малодшых класаў пішуць сачыненне на тэму «Што мне трэба для шчасця».

Відэа заканчваецца фразай хлопчыка аб тым, што ён шчаслівы, калі дарослыя ідуць на выбары.

@grodnonews.by #выборы #правильныйвыбор #мир #безопасность #Беларусь #Гродно ♬ оригинальный звук — Гродненская правда

У сваім Tik­Tok-акаўнце «Гродзенская праўда» таксама публікуе агітацыйныя відэа. Часцей за ўсё іх героямі становяцца маладыя беларусы, якія выбіраюць «захаванне гістарычнай памяці, спакой, парадак і любоў да роднай краіны».

@grodnonews.by 🇧🇾«Это нам надо!»🇧🇾 Белорусы выбирают поддержку молодежи, качественное образование, любовь к родной стране и сохранение исторической памяти. А 26 января 2025 года мы выбираем Президента Республики Беларусь. Что выбираете вы? Присоединяйтесь к флешмобу!🔥 #выборы #правильныйвыбор #мир #безопасность #Беларусь #Гродно #выборы2025 #выборыбеларусь ♬ оригинальный звук — Гродненская правда

У Telegram-канале «Гродна Медыя Group» з’явілася нібыта сацыяльнае відэа. У ім хлопчык Саня спрабуе дастаць мяч, які пакаціўся за агароджу. Галоўнай перашкодай становіцца вулічны сабака, які брэша на дзіця. Але Сане ўдаецца перамагчы страх і забраць свой мяч.

«Не будзем перадаваць сэнс гэтага роліка, усё самі выдатна зразумееце. Сустрэнемся 26 студзеня», — каментуюць відэа аўтары Telegram-канала.