Еўрасаюз абяцае ўзмацніць падтрымку незалежных беларускіх СМІ
3 лютага Еўракамісія абвясціла конкурс заявак для падтрымкі беларускіх і расійскіх журналістаў, якія працуюць у Еўрасаюзе. Заяўленая мэта ініцыятывы — падтрымаць стварэнне агульнаеўрапейскай платформы або сеткі медыяхабаў для развіцця плюралістычнага медыяасяроддзя.
«Асаблівая ўвага надаецца таму, каб незалежныя журналісты і СМІ ў выгнанні маглі працягваць ствараць кантэнт і распаўсюджваць яго сярод сваёй аўдыторыі», — гаворыцца ў паведамленні.
Еўракамісія плануе сабраць на гэтыя мэты 3 млн еўра.
Паводле ацэнак Еўракамісіі, толькі ў 2024 годзе каля 1500 незалежных журналістаў і рэдакцый вымушаныя былі рэлакавацца ў ЕС.
Заяўкі ад дзяржаўных органаў, міжнародных арганізацый, НДА і даследчых цэнтраў прымаюцца да 14 сакавіка 2025 года.
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia

Больш матэрыялаў