У «экстрэмісцкім» спісе — сайт horki.info і яго сацсеткі

Увечары 18 лютага абнавіўся Рэспубліканскі спіс экстрэмісцкіх матэрыялаў на сайце Міністэрства інфармацыі.

Паводле рашэння суда Ленінскага раёна Магілёва «экстрэмісцкай інфармацыйнай прадукцыяй» прызнаны рэгіянальны інфармацыйны сайт horki.info і афіляваныя з ім старонкі ў сацыяльных сетках:

• старонка  horki.info» у Face­book (ідэнтыфікатар facebook.com/horki.info);
• старонка «Горки – БГСХА – Дрибин – Мстиславль | horki.info» у сацсетцы  «ВКонтакте» (ідэнтыфікатар vk.com/horki.info);
• старонка «Горки, Дрибин, Мстиславль и не только» у сацсетцы  «Одноклассники» (ідэнтыфікатар ok.ru/horki.info);
• старонка «horki.info» у Insta­gram (ідэнтыфікатар instagram.com/horki.info).

Сайт  horki.info праіснаваў каля 15-ці гадоў, прычым асвятляў выключна не палітычныя навіны: пісаў пра падзеі  ў Горацкім, Дрыбінскім, Мсціслаўскім раёнах Магілёўскай вобласці. З учорашняга вечара ён не адчыняецца.