У Кіеве расійская ракета разбурыла ньюзрум тэлеканала Freedom

У ноч на 6 красавіка ў выніку расійскай атакі балістыкай па Кіеве разбураны новы ньюзрум тэлеканала Free­dom. Медыя ўваходзіць у сетку замежнага вяшчання Украіны.

Фота: kanaldim.tv

У выніку расейскага ракетнага ўдару пацярпеў будынак бізнэс-цэнтра, дзе знаходзіцца ньюзрум тэлеканала Free­dom, піша «Украінская праўда». Разбураныя тры верхнія паверхі, побач з будынкам варонка, ніжнія паверхі таксама пацярпелі і непрыдатныя да працы.

Супрацоўнікі не пацярпелі.

Free­dom — украінскі дзяржаўны рускамоўны тэлеканал замежнага вяшчання, працуе з 2015 года. Акрамя навін таксама транслюе праграмы і тэлесерыялы ўласнай вытворчасці. Канал быў створаны ў адпаведнасці з Законам Украіны «Аб сістэме iншавяшчання Украіны». Мэта канала — «забеспячэнне доступу замежнай аўдыторыі да аб’ектыўнай, актуальнай і поўнай інфармацыі аб падзеях на Украіне і фарміраванне і падтрыманне станоўчага іміджу Украіны». Асноўная мэтавая аўдыторыя канала – рускамоўная.