Праект Аляксандра Івуліна «ЧестнОК» — «экстрэмісцкае фармаванне»
18 красавіка 2025
МУС Беларусі прызнаў праект «ЧестнОК» — аднайменны YouTube-канал стварыў блогер Аляксандр Івулін, а вядзе сябра і напарнік блогера журналіст Яраслаў Пісарэнка — «экстрэмісцкім фармаваннем». Пра гэта паведаміў Telegram-канал «ГУ «База»», які блізкі да сілавікоў.
Яраслаў Пісарэнка ды Аляксандр Івулін. Фота: by.tribuna.com
Больш падрабязнасцяў пакуль няма, як і няма і афіцыйнага запісу пра новае «экстрэмісцкае фармаванне» на сайце Міністэрства ўнутраных спраў Беларусі.
Нагадаем, што нядаўна Міністэрства інфармацыі ў «Рэспубліканскі спіс экстрэмісцкіх матэрыялаў» дадало YouTube-канал «ЧестнОК-Live». Гэта другі аўтарскі праект беларускага журналіста, былога палітвязня Аляксандра Івуліна, відэаканал мае больш за 6 тысяч падпісчыкаў. Адпаведнае рашэнне ў дачыненні да «ЧестнОК-Live» прыняў 10 красавіка 2025 года суд Бешанковіцкага раёна Віцебскай вобласці.
Рашэннем суда Чыгуначнага раёна Гомеля ад 14 красавіка 2025 года «экстрэмісцкай інфармацыйнвай прадукцыяй» прызнаны акаўнт у сацсетцы Instagram з назвай pisarenko_jr (ідэнтыфікатар instagram.com/pisarenko_jr). Гэтая старонка належыць спартыўнаму журналісту Яраславу Пісарэнку.
@bajmedia
«Фактычна не бачыць на адлегласці рукі». Што вядома пра Вячаслава Арэшку
18.04.2025
Святлана Ніла: «Шмат людзей сышло з прафесіі. Яны проста ратавалі сябе»
17.04.2025
«Экстрэмісцкі» спіс Мінінфарма: YouTube-канал «ЧестнОК-Live», Instagram журналіста Яраслава Пісарэнкі і TikTok-акаўнт «Радыё Ўнэт»
17.04.2025
Журналіста Уладзіміра Хільмановіча ўнеслі ў «экстрэмісцкі спіс» МУС
13.09.2024
