На гомельскім ТБ запусцілі праграму, дзе абмяркоўваюць цытаты Лукашэнкі

Новы цыкл перадач «Цытаты першага» запусцілі на гомельскім тэлебачанні. Праект створаны за грошы звычайных беларусаў, піша «Штодзень».

Скрыншот: перадача «Цытаты першага»

У новай перадачы гомельскага ТБ героі будуць рэтрансляваць і абмяркоўваць цытаты Лукашэнкі. Праект фінансуецца са сродкаў мэтавага збору на вытворчасць нацыянальнага кантэнту.

«Мэтавы збор быў створаны ў 2022 годзе. Сутнасць яго ў тым, што з продажу рэкламы і паслуг, звязаных перадачай дадзеных, плаціцца асобны падатак. Калі вы аплачваеце мабільную сувязь ці доступ да інтэрнэту, у цану закладзены і гэты збор. Сабраныя грошы накіоўваюць на стварэнне прапаганды», — тлумачыць «Штодзень».

Вядоўцай перадачы стала галоўная рэдактарка «Гомель ТВ», дэпутатка гарсавета Ірына Канавалава. Ужо выйшлі два выпускі праекта. Апошні за тыдзень набраў каля 30 праглядаў, папярэдні — каля 120.