«Рэпарцёры без межаў» патрабуюць вызваліць усіх палітзняволеных беларускіх журналістаў
12 верасня 2025
Арганізацыя «Рэпарцёры без межаў» (RSF) вітае вызваленне беларускіх журналістаў 11 верасня, але асуджае іх высылку ў Літву і заклікае ўлады таксама вызваліць іншых супрацоўнікаў СМІ, якія ўсё яшчэ знаходзяцца за кратамі.
Беларускія журналісты правялі за кратамі месяцы і гады проста за выкананне сваёй працы, адзначае ў сваёй заяве арганізацыя.
««Рэпарцёры без межаў» вітаюць вызваленне дзевяці беларускіх журналістаў, нягледзячы на тое, што яны не павінны былі правесці ніводнага дня за кратамі. Іх адзіным «злачынствам» была журналістыка і абарона права на дакладную інфармацыю, — заявіла кіраўніца аддзела Усходняй Еўропы і Азіі «Рэпарцёраў без межаў» Жанна Кавелье. — Аднак мы шкадуем, што яны былі вымушаныя пакінуць Літву замест таго, каб мець магчымасць свабодна працаваць у сваёй краіне.
Іх мужнасць выклікае захапленне — яны не паддаліся рэпрэсіям, якія амаль знішчылі незалежныя СМІ ў Беларусі. «Рэпарцёры без межаў» паўтараюць, што яшчэ 33 журналісты і медыяпрафесіяналы застаюцца ў зняволенні, і патрабуюць ад уладаў Беларусі неадкладна вызваліць іх і гарантаваць ім права на інфармаванне».
12 журналістаў і блогераў выйшлі на волю ў ліку 52‑х памілаваных
@bajmedia
ЕФЖ вітае вызваленне беларускіх журналістаў
12.09.2025
Еўрапейскія кансерватары рэкамендавалі Анджэя Пачобута на прэмію Сахарава
10.09.2025
«Рэпарцёры без межаў» апублікавалі партрэты зняволеных беларускіх журналістаў
11.08.2025
Нямецкі парламентарый стаў сімвалічным хросным Людмілы Чэкінай
26.06.2025
