У Краматорску расійскі дрон забіў двух украінскіх журналістаў

Двое медыйшчыкаў загінулі ў Краматорску ад удару БПЛА «Ланцэт», паведамляе украінскі Інтытут масавай інфармацыі.

Фота: Face­book Алены Губанавай

Загінулі 43-гадовая Алена Губанава і 33-гадовы аператар Яўген Кармазін, якія працавалі на тэлеканале Free­dom. Спецыяльны карэспандэнт Аляксандр Колычаў быў дастаўлены ў бальніцу з траўмамі. Расійскі БПЛА «Ланцет» трапіў ў іх машыну, паведаміла Данецкая абласная ваенная адміністрацыя.

«З першых дзён паўнамаштабнага расійскага ўварвання яны асвятлялі сітуацыю ў вобласці, распавядалі праўду пра злачынствы ворага, эвакуацыю грамадзянскага насельніцтва, гісторыі нашых абаронцаў. Яны працавалі ў самых гарачых кропках Данецкай вобласці, заўсёды былі першымі ўсюды», — напісаў кіраўнік абласной ваеннай адміністрацыі Вадзім Філашкін.

Рэдакцыя тэлеканала Free­dom паведаміла, што ў момант удару журналісты знаходзіліся ў машыне на запраўцы.

Фота: Face­book Вадзіма Філашкіна

Паводле звестак Інстытута масавай інфармацыі, Алена і Яўген сталі 14‑м і 15‑м у спісе медыяпрацаўнікаў, забітых Расіяй падчас выканання прафесійнай журналісцкай дзейнасці з пачатку паўнамаштабнага ўварвання.