«Экстрэмісцкі» спіс Мінінфарма: TikTok-акаўнт «Навіны з будучыні», старонкі ў Instagram праекта «Беларусь Новости» і журналіста Змітра Лукашука

21 лістапада 2025 года Міністэрства інфармацыі Беларусі чарговы раз папоўніла на сваім сайце Рэспубліканскі спіс экстрэмісцкіх матэрыялаў.

Зміцер Лукашук. Фота: Марыя Вайтовіч / Еўрарадыё

Паводле рашэння суда Ленінскага раёна Магілёва ад 17 лістапада 2025 года ў гэты спіс уключаны Tik­tok-акаўнт «Навiны з будучынi» (ідэнтыфікатар tiktok.com/@naviny.future). Гэта відэапраект незалежнага тэлеканала «Белсат». Акаўнт мае 1285 падпісчыкаў.

18 лістапада 2025 года суд Ленінскага раёна Магілёва прызнаў «экстрэмісцкімі матэрыяламі» Insta­gram-акаўнт «zmit­ser­lukashuk» (ідэнтыфікатар instagram.com/zmitserlukashuk?igsh=MThhMjliOWdpMTUyZA==). Гэта прыватная старонка рэдактара эфіра «Еўрарадыё» Змітра Лукашука.

Рашэннем суда Буда-Кашалёўскага раёна Гомельскай вобласці «экстрэмісцкімі матэрыяламі» прызнаны Insta­gram-акаўнт праекта «Беларусь Новости» (ідэнтыфікатар instagram.com/belarusnovosti2). Старонка мае амаль 22 тысячы падпісчыкаў, публікуе навіны з Беларусі і свету.