Федэральны ўрад Германіі патрабуе вызвалення палітычных зняволеных у Беларусі
15 сакавіка 2023
Адзін з дыпламатаў Пасольства Германіі ў Мінску, а таксама прадстаўнікі іншых акрэдытаваных у Мінску дыпламатычных місій прыйшлі сёння да будынка суда, каб выказаць сваю салідарнасць з неправамерна зняволеным і абвінавачаным журналістам Генадзем Мажэйкам.
На сваёй афіцыйнай старонцы ў фэйсбуку Пасольства Германіі ў Мінску нагадала, што 15 сакавіка ноў адбыўся суд над журналістам Генадзем Мажэйкам, які ўжо амаль паўтара года незаконна знаходзіцца ў зняволенні.
«Супраць яго вылучаны незаконныя абвінавачанні толькі таму, што ён выконваў працу журналіста. Мажэйка адносіцца да больш чым трыццаці супрацоўнікаў сродкаў масавай інфармацыі, якія знаходзяцца зараз у Беларусі ў зняволенні», — падкрэсліваюць дыпламаты.
На думку пасольства, розныя рэпрэсіі, якім беларускія ўлады падвяргаюць незалежныя сродкі масавай інфармацыі і іх супрацоўнікаў уяўляюць сабой парушэнне міжнародных абавязацельстваў, якія Беларусь сама ўзяла на сябе, напрыклад, як дзяржава-ўдзельніца Арганізацыі па бяспецы і супрацоўніцтве ў Еўропе.
«Федэральны ўрад Германіі патрабуе вызвалення палітычных зняволеных у Беларусі», — заяўляе Пасольства Германіі ў Мінску.
Чытайце яшчэ:
«Цяжка ўявіць, што я больш ніколі не буду пісаць». Пагаварылі з калегамі, якія сышлі з журналістыкі
Как год военных действий изменил журналистику в Украине
Экстрэмізм «відавочны». Як раман з казкамі Бахарэвіча забаранілі ў Беларусі (а кнігі могуць знішчыць)
@bajmedia
Женское издательство открывает для белорусов Беллу Шагал
16.05.2025
Вандроўка ў мінулае як шлях у цяперака: 30 гадоў дыктатуры ў 30 постарах
25.01.2025
Другі дзень народзінаў у зняволенні сустракае відэаператар Аляксандр Зянкоў
12.11.2024
Супрацоўніцтва ці прапаганда? Глыбоцкая раёнка і мясцовы аддзел адукацыі запускаюць сумесны праект
07.12.2024
