Рэгламент працы ўпаўнаважаных Праўленнем асоб для разгляду заяў з абвінавачаннямі ў харасменце

Дадзены Рэгламент рэгулюе працу ўпаўнаважаных Праўленнем БАЖ асоб для разгляду заяў па абвінавачанні ў харасменце (далей па тэксце – «упаўнаважаныя»). Рэгламент распрацаваны ў звязку з рашэннем Праўлення адносна сітуацыі вакол магчымых фактаў харасменту з боку намесніка старшыні БАЖ Барыса Гарэцкага, але можа стаць універсальнай формай рэакцыі на паведамленні пра магчымы харасмент.

Праца ўпаўнаважанага ўключае наступнае:

1. Верыфікацыя заяўнікаў;
2. Разгляд заяў і праверка інфармацыі;
3. Складанне падсумоўваючага даклада.

З заявамі могуць звяртацца асобы, якія лічаць сябе пацярпелымі ад харасменту з боку супрацоўнікаў БАЖ.

Парадак працы з заявамі:

1. Заявы прымаюцца праз агульную форму, на пошту 2025_zbor-infarmacji@proton.me, да якіх маюць доступ выключна ўпаўнаважаныя, або праз асабістыя каналы камунікацыі з упаўнаважанымі.
2. У выпадку атрымання заявы не праз агульны канал сувязі ўпаўнаважаныя абавязаныя абмяняцца інфармацыяй для паўнаты інфармавання кожнага з іх.
3. Упаўнаважаны абавязваецца не разгалошваць персанальныя звесткі заяўнікаў.
4. Упаўнаважаныя абавязваюцца прадухіляць любую магчымасць доступу іншых людзей да заяў.

Вынікам працы ўпаўнаважаных становіцца падсумаваны даклад з ацэнкай сітуацыі па заявах. Даклад складаецца ўпаўнаважанымі сумесна. У выпадку несупадзення высноў кожны з упаўнаважаных можа выказаць асобнае меркаванне.

Падсумаваны даклад павінен быць гатовы не пазней за 10 дзён ад заканчэння збору інфармацыі.