Акцэнты

Пачынаючы з 15 жніўня ў Гродне трывае так званы судовы працэс, на якім лукашэнкаўскі рэжым абвінавачвае Дзяніса Івашына ў «здрадзе дзяржаве». Гэты працэс с самога свайго пачатку прыцягвае ўвагу рознага кшталту прапагандыстаў. Адны з самых вядомых з іх — супрацоўніца «СБ. Беларусь сегодня» Людміла Гладкая і супрацоўніца тэлеканала «Беларусь 1» Ксенія Лебедзева. Абедзве яны ў дзень пачатку так званага суда забяспечвалі прапагандысцкае суправаджэнне працэсу, фактычна пераследавалі дыпламатаў заходнееўрапейскіх краін, якія прыйшлі да будынка суда, а таксама маці Дзяніса Івашына Людмілу.

У сталіцы Чэхіі адбываецца выстава, мэта якой нагадаць пра рэпрэсіі ў Беларусі: выступаюць вядомыя дзеячы, дэманструюцца фота з пратэстаў. У той жа час самі фатографы дзівяцца: дэманстрацыя іх фотапрац у Празе — нечаканасць для творцаў. Дык што гэта было: непаразуменне ці парушэнне права на інтэлектуальную ўласнасць? БАЖ разбіраецца ў пытанні.

Два месяцы таму Каця Пытлева, вядомая журналістка і праграмная дырэктарка «Маланка Медыя», прызналася ў сацсетках, што ў яе рак грудзей. За гэты час беларуска прайшла праз аперацыю і падрыхтоўку да хіміятэрапіі, сутыкнулася з падтрымкай нават ад незнаёмых, незразумелым хэйтам і неабходнасцю тлумачыць хваробу сваім пяцігадовым дзецям. Пагутарылі з Кацяй пра тое, якім быў гэты час.

Перад прыездам у Грузію Аліна Стэфановіч інстыктыўна ўставала на досвітку і чакала 7:00. Улетку мінулага года беларуская міліцыя прыехала да яе сям'і роўна а 7-й гадзіне раніцы, правяла дома ператрус і арыштавала мужа Аліны. Пасля гэтага яны больш не бачыліся.