Акцэнты

15 лістапада, у міжнародны Дзень пісьменьнікаў у зьняволеньні, Радыё Свабода і Беларускі ПЭН-цэнтар абвесьцяць ляўрэатаў прэміі імя Францішка Аляхновіча. Гэта партрэты літаратараў, якія працягваюць творчасьць за кратамі.

Пасьля таго як набылі моц папраўкі ў закон «Аб зьмене законаў па пытаньнях процідзеяньня экстрэмізму», ледзьве ня кожны дзень у Беларусі нешта прызнаюць экстрэмісцкім фармаваньнем: то тэлеканал, то чат. Юрыстка, праваабаронца з каманды Human Constanta Наста Лойка тлумачыць, якія зьмены ўнесеныя ў закон, ці можна падпісвацца на «экстрэмісцкія» сайты, як ня трапіць у шэрагі «экстрэмістаў».

Дзяўчына крочыць праз выяву сэрца, выкладзенага са свечак падчас гадавіны ўшанавання памяці расстраляных беларускіх паэтаў.

Калегі старшыні Праваабарончага цэнтра «Вясна», палітвязьня Алеся Бяляцкага вельмі рэдка атрымліваюць ад яго лісты. Статус палітвязьня ў Беларусі па стане на 22 кастрычніка 2021 году маюць 811 чалавек.

  Беларускі ПЭН вядзе сістэмны збор інфармацыі аб рэалізацыі культурных правоў і выкананні правоў дзеячаў культуры. Са жніўня 2020 і па цяперашні час мы з’яўляемся сведкамі і дакумэнталістамі спланаванага і надзвычайнага ціску на беларускую грамадзянскую супольнасць і дзеячаў культуры ў прыватнасці. Гэта трагічны час для свабоды самавыяўлення, свабоды творчасці, свабоды думкі. Зацяжны грамадска-палітычны крызіс характарызуецца зневажаннем асноўных правоў і свабод чалавека, перасьледам за іншадумства, цэнзурай, атмасферай страху і выцясненнем з краіны прыхільнікаў пераменаў.