Акцэнты

Праграмную дырэктарку Прэс-клуба Алу Шарко затрымалі два месяцы таму. Забралі з кватэры нібыта проста на размову ў ДФР. А пасля пакінулі за кратамі — абвінавацілі ва ўхіленні ад выплаты падаткаў. Яе муж — рэкламіст і рэдактар CityDog.by Мікола Шакель. Расказвае, што пакуль не сустрэў Алу, не думаў, што каханне, пра якое пішуць у кніжках, існуе насамрэч. «Наша Ніна» запісала іх гісторыю.

Палякі Вітальд Дабравольскі і Каспэр Сяніцкі прыехалі ў Беларусь напярэдадні выбараў, каб задакумэнтаваць падзеі ў сталіцы. 10 жніўня іх затрымалі і жорстка пабілі супрацоўнікі АМАПу. Гэтае здарэньне расьсьледуе польская пракуратура. Свае гісторыі палякі расказалі Свабодзе.

Гульня ў патрыярхальную міласьць да жанчын у Беларусі даўно скончылася. Сёньня журналісткі «Белсату» Кацярына Андрэева і Дар’я Чульцова атрымалі па два гады калёніі агульнага рэжыму за тое, што рабілі сваю журналісцкую працу. І гэта вельмі жорсткі, але прадказальны вырак.

У абвешчаны Лукашэнкам Год нацыянальнага адзінства праўладныя прапагандысты зладзілі сапраўднае спаборніцтва ў закліках да расправы над палітычнымі апанэнтамі. Хто б зь іх не перамог, драматычна прайграе беларускае грамадзтва.

Раніца 16 лютага пачалася для беларускіх журналістаў і праваабаронцаў з масавых ператрусаў. Афіцыйнае тлумачэнне ад Следчага камітэта — “у межах папярэдняга расследавання з мэтай устанаўлення абставін фінансавання пратэставай дзейнасці следствам ініцыявана правядзенне ператрусаў у арганізацыях, якія пазіцыянуюць сябе як праваабарончыя”. Ператрусы таксама адбыліся ў офісе Беларускай асацыяцыі журналістаў, дома ў кіраўнікоў арганізацыі.

Самае цікавае Берлінале пакінуў напаследак: 11 лютага яго дырэктар Карла Шатрыян расказаў пра дзве апошнія секцыі кінафестывалю і такім чынам завяршыў абвяшчэнне праграмы. У падборцы Berlinale Special аказалася і дакументальная карціна Аляксея Палуяна «Кураж», у якой паказаны падзеі жніўня пасля выбараў у Беларусі. Рэжысёр з Баранавічаў жыве ў Германіі, а публіцы ён вядомы кароткаметражкай «Возера радасці» паводле рамана Віктара Марціновіча, што пабывала на сямідзесяці фэстах і кваліфікавалася на прэмію «Оскар». Мы пагаварылі з Аляксеем пра здымкі «Куражу» ў жніўні, інтарэс кінафестываляў да тэмы Беларусі і што для яго значыць прэм’ера на Берлінале.