Акцэнты

Былы супрацоўнік Міністэрства замежных спраў Валер Кавалеўскі сышоў з дыпламатычнай працы ў 2006-м, калі Аляксандр Лукашэнка застаўся на трэці прэзідэнцкі тэрмін. Пасля Плошчы-2010 і адсідкі спачатку на Акрэсціна, а потым у СІЗА КДБ Валер разам з сям’ёй з’ехаў у Амерыку навучацца на магістарсткай праграме Джорджтаўнскага ўніверсітэта. Пасля навучання былы паспяховы міжнароднік працуе ў рускамоўнай службе “Голасу Амерыкі”, дзе ўважліва сочыць за палітычнымі падзеямі ва Усходняй Еўропе.

«Некаторыя майстры разбіваюць цагліны галавой. Потым пакутуюць ад галаўнога болю», — казаў невядомы майстра баявых адзінаборстваў. З журналістыкай тое ж самае. Шмат хто прыходзіць у прафесію пад уплывам рамантычных фільмаў і прыгодніцкіх дэтэктываў, галоўнымі героямі ў якіх ёсць журналісты. Шмат хто глядзіць на працу журналістаў на розных «чырвоных дарожках», уяўляючы «гламурнасць» прафесіі. І самі СМІ ствараюць вобраз «рамантычнасці і гламурнасці» сваёй працы, — без самарэкламы нікуды. Інакш дзе б мы бралі новых адэптаў? 🙂 Потым адэпты пакутуюць. Рамантыка разбіваецца аб суровую праўду жыцця.

Адно са значэнняў слова pitch у перакладзе з англійскай – рэкламны заклік. У сучаснай медыявытворчасці pitch – гэта паведамленне рэдактару ад журналіста з прапановай-заклікам узяць яго гісторыю для друку. Рэдактары сусветных медыя, які збіраюць інфармацыю па ўсім свеце, чытаюць гэтыя паведамленні.