Акцэнты

У аўторак беларускія СМІ паведамілі, што КДБ унесла ў «спіс экстрэмістаў» Радыё «Рацыя». Пры гэтым было адзначана, што з рэсурсам звязаны журналіст Яўген Валошын, які таксама стаў «экстрэмістам». Яўген — аўтар YouTube-каналаў «Пара!» і Радыё «Рацыя».

Часта ў каментарах да фатаграфій Аляксандра Валодзіна можна прачытаць, што яго фота нагадваюць кадры з кінафільма. Адчуванне гэтае невыпадковае. «Мне падабаецца здымаць дакументальнае кіно, і фатаграфаваць я пачаў, каб навучыцца будаваць кампазіцыю кадра», – распавядае ў інтэрв’ю фатограф-дакументаліст і самаіранічна дадае, што на яго фотаапараце цяпер 104 000 кадраў, з якіх ён больш за 100 000 сапсаваў. Пра шлях, які ён зрабіў у фатаграфіі за апошні год, Аляксандр Валодзін распавядае дзесяццю кадрамі.  

Прайшоў вайну, стаў адным з самых вядомых кампазітараў Беларусі XX стагоддзя і падарыў Беларускаму радыё пазыўныя. PALATNO расказвае пра Уладзіміра Алоўнікава.

Еўрапейская камісія заклікала Google, Meta ды іншыя буйныя тэхналагічныя кампаніі дапамагчы незалежным беларускім медыя, прасоўваючы іх кантэнт. Справа ў тым, што пашукавікі спачатку выдаюць карыстальнікам інфармацыю ад дзяржаўных медыя, а, каб знайсці артыкулы незалежных СМІ, беларусам даводзіцца патраціць значна больш часу. Па словах, віцэ-прэзідэнткі Еўрапейскай камісіі Веры Юравай, неабходна зрабіць так, каб у інтэрнэце было больш даступнай аб’ектыўнай інфармацыі, а не прапаганды Мінска або Крамля. Пра тое, з якімі выпрабаваннямі сутыкаюцца беларускія незалежныя медыя ў замежжы і як не стаміць негатыўнай павесткай сваю аўдыторыю, Радыё Ўнэт паразмаўляла з галоўным рэдактарам «Еўрарадыё» Паўлам Свярдловым.