Акцэнты

Беларускі расследавальніцкі цэнтр апублікаваў чарговае расследаванне, у якім галоўным фігурантам выступае беларускі бізнесовец, уладальнік «Санта Брэмар» Аляксандр Машэнскі. Аўтары вінавацяць прадпрымальніка ў сувязях з сям’ёю Лукашэнкі, падтрыманні дзейнай улады і атрыманні ільготаў у звязку з гэтым. Таксама журналісты выказваюць меркаванне, што бізнесовец мог праз афшорныя кампаніі ўхіляцца ад выплаты падаткаў. Чаму расследавальнікі зацікавіліся асобаю Машэнскага, наколькі яны ўпэўненыя ў сваіх выніках і ці не баяцца судоў, «Белсат» пацікавіўся ў кіраўніка Беларускага расследавальніцкага цэнтру (БРЦ) Станіслава Івашкевіча.

Марафон паказаў, што лукашысты пацярпелі фіяска ў сваёй спробе падарваць давер да базавых структур апазіцыі. Ëн таксама паказаў, што, выпіхваючы праціўнікаў за мяжу, яны ўмацавалі «эміграцыйнае апірышча» беларускай нацыі. Каментар Рэдакцыі «Нашай Нівы».

Сёння, 29 ліпеня, праходзіць Марафон салідарнасці з беларускімі палітычнымі вязнямі «Нам не ўсё адно!». У  анлайн-акцыі прымуць удзел больш за 20 медыя. БАЖ таксама далучаецца да марафону. Сабраныя грошы будуць накіраваныя на дапамогу палітвязням і іх родным. А пакуль нагадаем, што адчувалі журналісты і блогеры, якія зусім нядаўна самі знаходзіліся ў месцах зняволення. Іх словы дапамагаюць зразумець, што дазволіла выжыць за кратамі.