Асудзілі чалавека, які зьняў на відэа здарэньне з атракцыёнамі ў Александрыі, яго затрымліваў КДБ
13 ліпеня 2021
13 ліпеня прысуд вынес суд Шклоўскага раёну. Да суду Павал Пятроўскі знаходзіўся трое сутак у Шклоўскім РАУС.
Прыватнага прадпрымальніка зь Берасьця Паўла Пятроўскага, які зьняў, як вецер перакуліў надзіманыя атракцыёны на сьвяце ў Александрыі, асудзілі на 7 дзён арышту. Яго затрымліваў Камітэт дзяржаўнай бясьпекі.
Як стала вядома Свабодзе, Паўла Пятроўскага затрымалі ў суботу 10 ліпеня. Афіцыйная прычына — частка 2 артыкула 19.11 КаАП («Распаўсюд інфармацыйнай прадукцыі, уключанай у рэспубліканскі сьпіс экстрэмісцкіх матэрыялаў, а таксама выраб, выданьне, захоўваньне або перавозка такой інфармацыі»).
Пятроўскі паехаў на фэст гандляваць сваімі таварамі як прадпрымальнік.
Паўлу Пятроўскаму 42 гады. Па адукацыі настаўнік гісторыі. Жанаты, у сям’і двое малых дзяцей — аднаму тры гады, другому 10 месяцаў.
Надзвычайная сытуацыя здарылася на радзіме Аляксандра Лукашэнкі, дзе праходзіў фэст «Александрыя сустракае сяброў». Моцны вецер узьняў у паветра батут, на якім забаўляліся дзеці. Спачатку Міністэрства аховы здароўя паведамляла, што па мэдычную дапамогу зьвярнуліся 5 чалавек — двое дзяцей і трое дарослых, стан усіх пацыентаў здавальняючы.
@bajmedia
Асуджанага відэаператара Андрэя Толчына накіравалі ў магілёўскую калонію № 15
18.06.2024
Дзяржаўная раёнка ў Кобрыне зладзіла «Дзень падпісчыка»… у мясцовым райвыканкаме
19.12.2023
Сайты «Радыё Свабода», «Салідарнасці» і мноства акаўнтаў медыяў у сацсетках — «экстрэмісцкія матэрыялы»
08.12.2023
Журналіст Ігар Ільяш затрыманы за «інтэрв’ю рэсурсам, якія былі прызнаныя на тэрыторыі Беларусі экстрэмісцкімі фармаваннямі»
23.10.2024
