Беларускія фатографы сталі фіналістамі літоўскай прэміі Vilnius Photo Circle Award

Журы літоўскага фотаконкурса Vil­nius Pho­to Cir­cle Award абвясціла фіналістаў. Сярод іх — беларускія фатографы Аляксандр Васюковіч і Паша Крычко.

Vil­nius Pho­to Cir­cle Award — гэта частка штогадовага фестывалю Vil­nius Pho­to Cir­cle, які прысвечаны фотажурналістыцы і дакументальнай фатаграфіі. Сёлета яго тэма — «Перакрыжаванні» — запрашае да дыскусіі пра геапалітычныя зрухі, культурныя і гістарычныя скрыжаванні.

У конкурсе Vil­nius Pho­to Cir­cle Award удзельнічала больш за 120 заявак ад фатографаў з розных краін. У лік пяці фіналістаў трапілі работы двух беларускіх фатографаў. Гэта «Уздоўж закрытых дарог Украіны» Аляксандра Васюковіча і «Мапа ўспамінаў» Пашы Крычко.

Пераможцы прэміі будуць абвешчаныя падчас фестывалю ў Вільнюсе, 26–28 верасня 2025 года.

«Потым прылятае ракета, і раптам усё скончана». Фатограф Аляксандр Васюковіч — пра працу падчас вайны