Больш за палову еўрапейскіх журналістаў вымушаныя шукаць падпрацоўку — вынікі даследавання

Большасць еўрапейскіх журналістаў адчуваюць прафесійнае выгаранне, а 62% вымушаныя шукаць дадатковыя крыніцы даходу. Апытанне ініцыятывы Tak­Tak, арганізаванае пры падтрымцы ЕС, выявіла трывожнае становішча спраў у прафесіі. На даследванне звярнуў увагу Нацыянальны саюз журналістаў Украіны.

Фота: George Mil­ton / pexels.com

Па выніках агульнаеўрапейскага апытання:

• кожны другі чалавек у медыясферы працуе фрылансерам або па часовых кантрактах;
• амаль палова незадаволеная сваімі даходамі;
• больш за 50% журналістаў не могуць належным чынам забяспечваць свае сем’і.

Эксперты падкрэсліваюць, што рост фрыланс-журналістыкі ў Еўропе з’яўляецца структурным зрухам у медыяіндустрыі. На гэта ўплывае скарачэнне рэдакцыйных бюджэтаў.

Даследванне паказвае, што 61,94% рэспандэнтаў вымушаныя дапаўняць заробак у медыях іншымі відамі працы. Асноўныя падпрацоўкі еўрапейскіх журналістаў: рэклама/PR (37%), выкладанне, некамерцыйная дзейнасць і кантэнт-маркетынг.

Галоўныя праблемы, з якімі рэспандэнты сутыкаюцца ў якасці журналістаў:

• нізкі даход і/або цяжкасці з аплатай сямейных патрэб (50,56%);
• дрэнны баланс паміж працоўным і асабістым жыццём (43,33%);
• нестабільная сітуацыя з працай (42,50%);
• нізкі попыт на журналістыку (34,17%)
• небяспечная сітуацыя ў сваёй краіне (26,94%)
• занадта шмат часу займае адміністрацыйная праца (21,94% ).

Вынікі апытання таксама паказваюць, што больш за палову (60,28%) рэспандэнтаў ужо пакутуюць ад выгарання ў сваёй журналісцкай кар’еры.

Нягледзячы на ​​цяжкасці, 65% апытаных плануюць застацца ў прафесіі на бліжэйшыя 5 гадоў.

Цалкам вынікі апытання глядзіце тут