«Будзьма» просіць падтрымкі. Сітуацыя крытычная

Для таго, каб рэдакцыя магла працягваць працаваць, даносячы важную і цікавую інфармацыю праз партал і сацыяльныя сеткі, каб рэгулярна ствараліся новыя відэа, камендзе неабходна 16000 еўра ў месяц. «Будзьма» шукае шляхі для вырашэння фінансавых цяжкасцяў, аднак сёння сітуацыя крытычная. Журналісты не здолеюць працягнуць працу без дапамогі. 

Праект «Будзьма беларусамі!» з’явіўся ў 2008 годзе.  Увесь гэты час ён займаўся пашырэннем беларушчыны, папулярызацыяй беларускай гісторыі, мовы і культуры. Сёння рэдакцыя вымушана працуе з замежжа, але працягвае пісаць пра Беларусь і беларусаў. 

На ютуб-канале «Будзьмы»выходзяць відэапраекты, дзе распавядаюць праўду пра невядомыя старонкі гісторыі ў праекце «Трызуб і Пагоня», знаёмяць са шляхецкай культурай у праекце «Сармат», разбураюць стэрэатыпы пра Беларусь і беларусаў у перадачы «Хрусь і папалам!» ды шмат чаго яшчэ.

А на дзіцячым ютуб-канале «Будзьма дзецям» — кантэнт для маленькіх беларусікаў і беларусачак — казкі, спектаклі, адукацыйныя перадачы. 

Тасама дзейнічае тэлеграм-бот афіша «Будзьма разам!», каб было прасцей сачыць за беларускімі мерапрыемствамі ў пэўных горадах і па ўсім свеце.

— І сёння нам, як ніколі, патрэбна вашая дапамога, каб і надалей мы маглі ствараць для вас унікальны беларускі кантэнт. Мы ведаем, што шмат хто з вас рос разам з «Будзьмай», пачынаў знаёміцца з беларушчынай праз нашу кампанію, глядзеў і чытаў нас, наведваў нашыя мерапрыемствы. Мы шчыра за гэта ўдзячныя, а зараз просім вашай падтрымкі, — піша рэдакцыя. 

«Будзьма!»: Як зрабіць беларускае цікавым і бачным

Калі вы НЕ ў Беларусі, падтрымаць праект можна: 

1. Набыць кубачак кавы на платформе ko-fi.com. Вы можаце набыць адзін кубачак альбо аформіць падпіску на штомесячную падтрымку.

2. Пералічыць ахвяраванне наўпрост на банкаўскі рахунак у Літве:

Нумар рахунка: LT874010051003596075
Банк: Lumi­nor Bank AS Lithuan­ian branch, SWIFT AGBLLT2X
Адрас банка: Kon­sti­tu­ci­jos pr. 21A, 03601 Vil­nius, Lietu­va

Атрымальнік плацяжа: VšĮ «Būkim kar­tu» («Будзьма разам»)
Код арганізацыі: 304102906 (аналаг нашага УНП)

Прызначэнне плацяжу: Dona­tion

3. Пералічыць ахвяраванне на банкаўскую картку:
4220 7301 7151 8283
дзейсная да 11/28
VŠĮ «Būkim kar­tu»

Прызначэнне плацяжа: Dona­tion

4. Зрабіць данат праз Pay­Pal: PayPal.Me/budzma

5. Калі вы плаціце падаткі ў Літве, вы можаце ахвяраваць «Будзьме» 1,2% сваіх падаткаў за 2024 год. Перыяд падачы дэкларацый ужо пачаўся і завершыцца 1 траўня 2025 года.

Падрабязная інструкцыя, як ахвяраваць 1,2 % сваіх падаткаў у Літве — па спасылцы.