Цела Ахроменкі не могуць вывезці з Польшчы праз памылку ў пашпарце

Цела пісьменніка не могуць вывезці з Польшчы праз памылку ў пашпарце. Пра гэта «Нашай Ніве» расказала дачка пісьменніка Лізавета Ахроменка.

«З‑за таго, што ў пашпарце таты і мамы не супадае апошняя літара, у нас вялікія праблемы. Для польскага боку яны — абсалютна чужыя людзі».

Зараз сям’я пісьменніка вырашае гэтую праблему, таму пакуль невядома, калі канкрэтна адбудзецца развітанне з Уладзіславам Ахроменкам.

«Развітанне будзе ў Мінску, але не раней за пятніцу ці суботу. Пахаваюць тату на Заходніх могілках», — кажа Лізавета Ахроменка.

Памёр пісьменнік і журналіст Уладзіслаў Ахроменка