Хакеры спрабавалі ўзламаць сайт кампаніі назірання “Права выбару-2015”
24 верасня 2015
Сайт кампаніі назірання “Права выбару-2015” спрабавалі ўзламаць хакеры. Пра гэта паведаміў адзін з каардынатараў кампаніі назірання за прэзідэнцкімі выбарамі Дзяніс Садоўскі.
therunet.com
Спроба ўзлому адбылася 23 верасня каля 13‑й гадзіны. Паводле адміністратара сайта, гэта была спроба DDOS-атакі з вялікай колькасці IP-адрасоў. З якой краіны ішла атака, вылічыць не ўдалося.
Потым праз дзве гадзіны нехта спрабаваў падабраць паролі для ўваходу на сайт. Адміністратар рэсурсу кажа, што сайт працуе ў штатным рэжыме, ніякая шкода яму не было нанесена. У сувязі з інцыдэнтам на сайце ўзмоцненыя меры бяспекі.
Каардынатары кампаніі “Права выбару-2015” звязваюць спробу DDOS-атакі на сайт з жаданнем перашкодзіць незалежнаму назіранню за выбарчай кампаніяй і яе інфармацыйнаму суправаджэнню.
У кампанію па назіранні за выбарамі “Права выбару-2015” уваходзяць восем арганізацый: Беларуская сацыял-дэмакратычная партыя (Грамада), аргкамітэт партыі «Беларуская Хрысціянская Дэмакратыя», кампанія “Гавары праўду!”, Рух “За Свабоду!”, Партыя БНФ, Беларуская партыя “Зялёныя”, незалежны прафсаюз радыёэлектроннай прамысловасці, аргкамітэт Партыі свабоды і прагрэсу.
@bajmedia
МУС пацвердзіла «экстрэмісцкі» статус orsha.eu
29.08.2024
Вярхоўны суд пакінуў без зменаў вырак журналісту Уладзіміру Хільмановічу, асуджанаму завочна
29.10.2024
Рада БНР узнагародзіла журналістку Свабоды Алену Радкевіч і іншых дзеячоў за заслугі перад беларускім народам
25.03.2024
Блогер Віталь Усціновіч правёў 25 сутак у ІЧУ за распаўсюд «экстрэмісцкіх матэрыялаў»
12.03.2024
