На галоўнага рэдактара «Рэгіянальнай газеты» Аляксандра Манцэвіча завялі крымінальную справу. Яго пераводзяць у СІЗА
23 сакавіка 2023
Як стала вядома Беларускай асацыяцыі журналістаў, супраць заснавальніка і галоўнага рэдактара «Рэгіянальнай газеты» Аляксандра Манцэвіча завялі крымінальную справу. У чым вінавацяць рэдактара, невядома – з адваката была ўзятая падпіска аб неразгалошванні.
Аляксандра Манцэвіча затрымалі падчас хвалі ператрусаў у рэгіянальных медыя 15 сакавіка. З таго часу ён застаецца за кратамі. Цяпер Аляксандра перавядуць у следчы ізалятар. Аляксандру Манцэвічу — 64 гады, ён неаднаразовы пераможца журналісцкіх конкурсаў і прэмій за высокія стандарты працыю. «Рэгіянальная газета» да разгрому была вядучым незалежным медыя Маладзечна і рэгіёна.
Двое другіх затрыманых у той дзень прадстаўнікоў медыя – галоўны рэдактар «Інфа-кур’ера» (Слуцк) Сяргей Станкевіч і ягоны намеснік Алег Рубчэня – працягваюць адбываць 15-суткавыя арышты за нібыта непадпарадкаванне міліцыі.
Па падліках Беларускай асацыяцыі журналістаў, за кратамі ў Беларусі цяпер 36 прадстаўнікоў мелыя. Актуальныя адрасы калег за кратамі тут.
Чытайце яшчэ:
Аляксандр Манцэвіч: «Я ў захапленні ад таго, што «Рэгіянальная газета» зрабіла за 25 год»
Карэспандэнта «Комсомольской правды» Генадзя Мажэйку асудзілі да 3 гадоў зняволення
Суд вызначыў 3 гады калоніі для Дзмітрыя Семчанкі
@bajmedia
«Шмат людзей накінуліся на мяне, як на лёгкую нажыву». Былая фатографка БелТА адказала на хвалю хейта ў свой адрас
15.02.2024
Сайт палітзняволенага журналіста Яўгена Меркіса перакупілі для казіно
16.10.2024
Белорусскому журналисту и режиссеру угрожает экстрадиция в Беларусь из Сербии
19.02.2024
Міністр замежных спраў Польшчы выказаў салідарнасць са зняволеным журналістам Анджэем Пачобутам
20.12.2023
