Палітвязень Анджэй Пачобут атрымаў польскую праваабарончую прэмію

20‑я цырымонія ўручэння прэміі імя Серджыа Віера ды Мелу — вярхоўнага камісара ААН па правах чалавека прайшла ў Кракаве. Ад імя Пачобута прэмію атрымала старшыня праўлення Падляшскага аддзялення Wspól­no­ta Pol­s­ka Ганна Кетлыньска. У сваёй прамове яна нагадала пра мужнасць палітвязня:

 «Не сакрэт, што яму прапаноўвалі вызваленне ў абмен на эміграцыю ў Польшчу, але ні на якія здзелкі з рэжымам Анджэй не пайшоў. Гэта прыклад чалавека, які не хістаецца нават перад абліччам сваіх катаў”.

Анджэй Пачобут асуджаны на 8 гадоў калоніі ўзмоцненага рэжыму. Ён адзіны затрыманы па «справе палякаў”, хто атрымаў рэальны тэрмін зняволення.

Чытайце яшчэ: 

Вынесены прысуд галоўнаму рэдактару «Рэгіянальнай газеты» Аляксандру Манцэвічу 

Выкрывайце правільна: аналіз і дэканструкцыя прапагандысцкіх наратываў

У Чэхіі беларускія юрысты падтрымалі Марафон салідарнасці са зняволенымі журналістамі